വിയ്യാറയലിനെതിരായ വിജയത്തിന് പിന്നാലെ ബാഴ്സലോണ ക്യാമ്പിൽ നിന്ന് നിരാശാജനകമായ വാർത്ത. ടീമിന്റെ വിശ്വസ്തനായ പ്രതിരോധ താരം യൂൾസ് കുണ്ടേയ്ക്ക് വലതുകാലിലെ പേശീവലിവ് (Hamstring injury) കാരണം പുറത്തിരിക്കേണ്ടി വരും. വിയ്യാറയലുമായുള്ള മത്സരത്തിന്റെ അവസാന ഘട്ടത്തിലാണ് താരത്തിന് പരിക്കേറ്റത്.
പ്രാഥമിക റിപ്പോർട്ടുകൾ പ്രകാരം കുണ്ടേയ്ക്ക് മൂന്ന് മുതൽ നാല് ആഴ്ച വരെ വിശ്രമം വേണ്ടിവരും. ഇതോടെ ജനുവരി 7-ന് സൗദി അറേബ്യയിലെ ജിദ്ദയിൽ നടക്കുന്ന സ്പാനിഷ് സൂപ്പർ കപ്പ് (Supercopa de España) സെമി ഫൈനലിൽ അത്ലറ്റിക് ക്ലബ്ബിനെതിരെ അദ്ദേഹത്തിന് കളിക്കാനാവില്ല. ഫൈനലിൽ എത്തിയാലും താരം കളിക്കാനുള്ള സാധ്യത കുറവാണ്.
