ബ്രസീലിയൻ വിംഗർ സാവിഞ്ഞോയെ സ്വന്തമാക്കാൻ ടോട്ടനം ഹോട്സ്പർ മാഞ്ചസ്റ്റർ സിറ്റിയുമായി ചർച്ച തുടങ്ങി. ഏകദേശം $50 മില്യൺ (ഏകദേശം £43.3m) മൂല്യമുള്ള ഒരു പാക്കേജാണ് ടോട്ടനം വാഗ്ദാനം ചെയ്തിരിക്കുന്നത്. 21-കാരനായ സാവിഞ്ഞോയെ വിൽക്കാൻ സിറ്റിക്ക് പ്താല്പര്യമില്ലെങ്കിലും, പുതിയ അവസരങ്ങൾ തേടുന്ന കളിക്കാരെ തടയേണ്ടതില്ല എന്ന പെപ് ഗ്വാർഡിയോളയുടെ തത്വമനുസരിച്ച് അവർ ചർച്ചകൾക്ക് തയ്യാറാണെന്ന് സൂചനയുണ്ട്.
സാവിഞ്ഞോയുടെ ഫുട്ബോൾ കരിയർ ശ്രദ്ധേയമാണ്. ജിറോണയെ ലാ ലിഗയിൽ ആദ്യ നാല് സ്ഥാനങ്ങളിലെത്തിക്കാനും അവരുടെ ചരിത്രത്തിലെ ആദ്യ ചാമ്പ്യൻസ് ലീഗ് യോഗ്യത നേടാനും സഹായിച്ചതിന് ശേഷം, കഴിഞ്ഞ വേനൽക്കാലത്ത് അദ്ദേഹം സിറ്റിയിലേക്ക് സ്ഥിരമായി കൂടുമാറി. കഴിഞ്ഞ സീസണിൽ മാഞ്ചസ്റ്റർ സിറ്റിക്കായി 48 മത്സരങ്ങളിൽ നിന്ന് മൂന്ന് ഗോളുകൾ മാത്രമാണ് നേടിയത്.
2028 ജൂൺ വരെ സിറ്റിയുമായി കരാറ് ഉള്ള സാവിഞ്ഞോ, ക്ലബ് വിടാൻ താല്പര്യപ്പെടുന്നു എന്ന് അത്ലറ്റിക് റിപ്പോർട്ട് ചെയ്യുന്നു.
