സീരി എയിലെ ടോപ് സ്കോറർ മറ്റെയോ റെറ്റേഗുയി ഒരു സീസണിന് ശേഷം അറ്റലാന്റ വിടാൻ ഒരുങ്ങുന്നു. സ്ട്രൈക്കറെ സൗദി പ്രോ ലീഗ് ടീമായ അൽ-ഖാദിസിയക്ക് വിൽക്കാൻ ക്ലബ്ബ് സമ്മതിച്ചതായി ഇറ്റലിയിൽ നിന്നുള്ള റിപ്പോർട്ടുകൾ സ്ഥിരീകരിക്കുന്നു. €70 മില്യൺ യൂറോ ആകും ട്രാൻസ്ഫർ ഫീ.
2023-ൽ റാസ്മസ് ഹൊയ്ലുണ്ട് മാഞ്ചസ്റ്റർ യുണൈറ്റഡിലേക്ക് മാറിയതിന് ശേഷം അറ്റലാന്റയുടെ ഏറ്റവും വലിയ രണ്ടാമത്തെ വിൽപ്പനയായി ഇത് മാറും.
26 വയസ്സുകാരനായ റെറ്റേഗുയി 2024-25 സീസണിൽ 36 മത്സരങ്ങളിൽ നിന്ന് 25 ഗോളുകൾ നേടിയിരുന്നു.
അർജന്റീനയിൽ ജനിച്ച ഇറ്റാലിയൻ താരത്തിന് നേരത്തെ ലഭിച്ച €53 മില്യൺ ബിഡ് അറ്റലാന്റ നിരസിച്ചിരുന്നു. പ്രതിവർഷം €20 മില്യൺ യൂറോ എന്ന ഞെട്ടിക്കുന്ന കരാർ ആണ് താരത്തിന് ലഭിക്കുക.
