ട്രാൻസ്ഫർ വിൻഡോ അവസാനിക്കുന്നതിന് മുമ്പ് ബയേൺ മ്യൂണിക്കിന്റെ മാത്തിസ് ടെൽ ലോണിക് ലഭ്യമാകുകയാണെങ്കിൽ അദ്ദേഹത്തെ സ്വന്തമാക്കാൻ മാഞ്ചസ്റ്റർ യുണൈറ്റഡ് ശ്രമിക്കും. നിലവിൽ കളിക്കാരെ വിൽക്കുന്നതിലാണ് മാഞ്ചസ്റ്റർ യുണൈറ്റഡിന്റെ ശ്രദ്ധ. എങ്കിലും അവരുടെ അറ്റാക്ക് ശക്തിപ്പെടുത്തുന്നതിനായുള്ള താരങ്ങളെയും യുണൈറ്റഡ് നോക്കുന്നുണ്ട്.
ലെചെ ഫുൾ ബാക്ക് പാട്രിക് ഡോർഗു ഇതിനകം മാഞ്ചസ്റ്റർ യുണൈറ്റഡിൽ ചേരാൻ സമ്മതിച്ചിട്ടുണ്ട്. ഗർനാചോയും റാഷ്ഫോർഡും ക്ലബ് വിടുകയാണെങ്കിൽ യുണൈറ്റഡ് അറ്റാക്കിൽ പകരം താരങ്ങളെ എത്തിക്കേണ്ടി വരും. ഹൊയ്ലുണ്ട്, സിർക്സീ എന്നിവർ ഗോൾ കണ്ടെത്താൻ പ്രയാസപ്പെടുന്നത് കൊണ്ട് ഒരു നമ്പർ 9നെ മാഞ്ചസ്റ്റർ യുണൈറ്റഡ് നോക്കുന്നുണ്ട്.
