കോപ്പ അമേരിക്കയിൽ ഉറുഗ്വേ വിജയത്തോടെ തുടങ്ങി. ഇന്ന് പനാമയെ നേരിട്ട ഉറുഗ്വേ ഒന്നിനെതിരെ മൂന്നു ഗോളുകൾക്ക് ആണ് വിജയിച്ചത്. ബിയെൽസയുടെ കീഴിൽ ഏറെ മെച്ചപ്പെട്ട ഉറുഗ്വേ 16ആം മിനുട്ടിൽ അറോഹോയിലൂടെ ആണ് ഇന്ന് ലീഡ് എടുത്തത്‌. നിരവധി അവസരങ്ങൾ സൃഷ്ടിച്ച അവർ പക്ഷെ രണ്ടാം ഗോൾ നേടാൻ 85ആം മിനുട്ട് വരെ എടുത്തു..
85ആം മിനുട്ടിൽ ലിവർപൂൾ താരം ഡാർവിൻ നൂനിയസിന്റെ ഒരു ഇടം കാലൻ വോളി ഉറുഗ്വേക്ക് രണ്ടാം ഗോൾ നൽകി. ഇതിനു ശേഷം 90ആം മിനുട്ടിൽ മാറ്റ്യസ് വിനയിലൂടെ ഉറുഗ്വേ തങ്ങളുടെ മൂന്നാം ഗോളും നേടി വിജയം ഉറപ്പിച്ചു. മുറിലോയിലൂടെ കളിയുടെ അവസാന നിമിഷം ഒരു ആശ്വാസ ഗോൾ നേടാൻ പനാമയ്ക്ക് ആയി.
