മായങ്ക് യാദവിനെ ഇന്ത്യ ദേശീയ ടീമിലേക്ക് എടുക്കണം എന്ന് മുൻ ഇന്ത്യൻ താരം സെവാഗ്. ഉമ്രാൻ മാലികിനെ പോലെ പേസ് മാത്രമല്ല മായങ്കിന് ഉള്ളത് എന്നും ലൈനും ലെങ്തും മെച്ചമാണ് എന്നും സെവാഗ് പറഞ്ഞു.
“മായങ്കും ഉംറാനും തമ്മിലുള്ള വ്യത്യാസം അദ്ദേഹത്തിൻ്റെ ലൈൻ കൃത്യമാണ് എന്നതാണ്. ഉംറാനും വേഗത്തിൽ പന്തെറും പക്സ്ഗെ ലൈനും ലെങ്തും മെച്ചപ്പെടുത്താൻ അദ്ദേഹത്തിന് കഴിഞ്ഞില്ല.” സെവാഗ് പറഞ്ഞു.
“മായങ്കിൻ്റെ ലൈനും ലെങ്തും കൃത്യമാണ്. തനിക്ക് വേഗതയുണ്ടെന്ന് അദ്ദേഹത്തിന് നന്നായി അറിയാം, പക്ഷേ എൻ്റെ ലൈൻ തെറ്റിയാൽ എനിക്ക് അടികിട്ടും എന്ന ബോധവും മായങ്കിന് ഉണ്ട്. ഫിറ്റ്നസ് നിലനിർത്താൻ ആവുക ആണെങ്കിൽ ഐപിഎല്ലിന് ശേഷം അദ്ദേഹം അന്താരാഷ്ട്ര ക്രിക്കറ്റ് കളിക്കണമെന്ന് എനിക്ക് തോന്നുന്നു” മുൻ ഇന്ത്യൻ ഓപ്പണർ പറഞ്ഞു
