കിംഗ് കോഹ്ലി എന്ന് വിളിക്കുന്നത് നിർത്തണം എന്ന് ആരാധകരോട് ആവശ്യപ്പെട്ട് വിരാട് കോഹ്ലി. ഇന്നലെ ആർ സി ബി അൺബോക്സ് ഇവന്റിനിടയിൽ ആണ് തന്നെ കിംഗ് എന്ന് വിളിക്കരുത് എന്ന് കോഹ്ലി പറഞ്ഞത്. വിരാട് എന്ന് മാത്രം എന്നെ വിളിച്ചാൽ മതി എന്നും കോഹ്ലി പറഞ്ഞു.
“നിങ്ങൾ എന്നെ ആ കിംഗ് എന്ന വാക്ക് വിളിക്കുന്നത് നിർത്തണം, ദയവായി എന്നെ വിരാട് എന്ന് വിളിക്കുക, എന്നെ കിംഗ് ദ്ന്ന ആ വാക്ക് വിളിക്കരുത്.” കോഹ്ലി ആരാധകരോട് പറഞ്ഞു.
“ഞാൻ ഫാഫ് ഡു പ്ലെസിസിനോട് പറയുകയായിരുന്നു, നിങ്ങൾ എന്നെ ആ വാക്ക് വിളിക്കുമ്പോൾ എല്ലാ വർഷവും എനിക്ക് ലജ്ജ തോന്നുന്നു. അതിനാൽ എന്നെ വിരാട് എന്ന് വിളിച്ചാൽ മതി, ഇനി മുതൽ ആ വാക്ക് ഉപയോഗിക്കരുത്, ഇത് എനിക്ക് നാണക്കേടാണ്,” കോഹ്ലി പറഞ്ഞു.
