ഓസ്ട്രേലിയൻ ഓപ്പണിൽ പുരുഷ സിംഗിൾസ് സെമിയിൽ നാലാം സീഡായ ജാനിക് സിന്നർ ജോക്കോവിചിനെ പുറത്താക്കി. നിലവിലെ ചാമ്പ്യനായ ജോക്കോവിച് 6 വർഷത്തിന് ശേഷം ആദ്യമായി ഒരു ഓസ്ട്രേലിയൻ ഓപ്പൺ മത്സരത്തിൽ തോൽവി അറിയുന്നത്. 3 മണിക്കൂർ 22 മിനിറ്റ് നീണ്ടു നിന്ന പോരാട്ടത്തിൽ ജാനിക് സിന്നർ 1-6, 2-6, 7-6 (6), 3-6 എന്ന സ്‌കോറിനാണ് വിജയിച്ചത്.
2 സെറ്റുകളിൽ പിറകിലായ ശേഷം തിരിച്ചടിച്ച് മൂന്നാം സെറ്റ് സ്വന്തമാക്കാൻ ജോക്കോവിചിന് ആയി എങ്കിലും പതിവു പോലെ ഒരു ജോക്കോവിച് കംബാക്ക് ഇന്ന് ഉണ്ടായില്ല. ഡാനിൽ മെദ്‌വദേവും അലക്‌സാണ്ടർ സ്വെരേവും തമ്മിലുള്ള സെമി ഫൈനലിലെ വിജയിയെ ആകും തൻ്റെ ആദ്യ ഗ്രാൻഡ്സ്ലാം ഫൈനലിൽ ഞായറാഴ്ച സിന്നർ ഇനി നേരിടുക.
