22 തവണ ഗ്രാൻഡ് സ്ലാം ചാമ്പ്യനായ റാഫേൽ നദാൽ ഓസ്ട്രേലിയൻ ഓപ്പണിൽ നിന്ന് പിന്മാറി. ബ്രിസ്‌ബേൻ ഇന്റർനാഷണലിലെ ക്വാർട്ടർ ഫൈനൽ മത്സരത്തിന് ഇടയിലേറ്റ പരിക്കാണ് നദാലിന് തിരിച്ചടിയായി. മസിൽ ഇഞ്ച്വറി മാറാൻ സമയമാകും എന്നും ഓസ്ട്രേലിയൻ ഓപ്പണ് അദ്ദേഹം ഉണ്ടാകില്ല എന്നും അദ്ദേഹത്തിന്റെ ക്യാമ്പ് അറിയിച്ചു.
ബ്രിസ്‌ബേൻ ഇന്റർനാഷണലിൽ ഓസ്ട്രേലിയയുടെ ജോർദാൻ തോംസണോട് ക്വാർട്ടർ ഫൈനലിൽ ആയിരുന്നു നദാലിന് പരിക്കേറ്റത്. പരിക്ക് ബാധിച്ചത് കൊണ്ട് തന്നെ ആ മത്സരം നദാൽ പരാജയപ്പെടുകയും ചെയ്തിരുന്നു. ജനുവരി 14ന് ആണ് ഓസ്ട്രേലിയൻ ഓപ്പൺ ആരംഭിക്കുന്നത്. പരിക്ക് കാരണം അവസാന ഒരു വർഷത്തോളമായി നദാൽ കളത്തിന് പുറത്തായിരുന്നു.
