ഇന്ത്യൻ താരം ഹർഷൽ പട്ടേലിനെ പഞ്ചാബ് കിങ്സ് സ്വന്തമാക്കി. ഗുജറാത്ത് ടൈറ്റൻസും പഞ്ചാബ് കിങ്സും ആണ് താരത്തിനായി ബിഡ് ചെയ്യാൻ രംഗത്ത് ഉണ്ടായിരുന്നത്. മുൻ ആർ സി ബി താരത്തിന് 2 കോടി ആയിരുന്നു അടിസ്ഥാന വില. അവസാനം ലഖ്നൗവും താരത്തിനായി ബിഡ് ചെയ്തു. അവസാനം പഞ്ചാബ് കിംഗ്സ് 11.75 കോടിക്ക് താരത്തെ സ്വന്തമാക്കി.
31കാരനായ താരം രണ്ട് ഘട്ടങ്ങളിലായി ഏഴു സീസണോളം ആർ സി ബിയുടെ ഭാഗമായിരുന്നു. ഡെൽഹി ഡെയർ ഡെവിൾസിനായും കളിച്ചിട്ടുണ്ട്.
ഐ പി എല്ലിൽ ആകെ 92 മത്സരങ്ങളിൽ നിന്ന് 11 വിക്കറ്റുകൾ വീഴ്ത്തിയിട്ടുണ്ട്. 2021ൽ ഇന്ത്യക്കായി ടി20യിൽ അരങ്ങേറ്റം കുറിക്കുകയും ചെയ്തിരുന്നു. അവസാനമായി ജനുവരിയിൽ ശ്രീലങ്കയ്ക്ക് എതിരെയാണ് ഇന്ത്യൻ ജേഴ്സി അണിഞ്ഞത്.
