തുടർ പരാജയങ്ങളും വിവാദങ്ങളും നിഴലിച്ചു നിൽക്കുക ആണെങ്കിലും മാഞ്ചസ്റ്റർ യുണൈറ്റഡ് ടീം ഒറ്റക്കെട്ടാണ് എന്ന് പരിശീലകൻ ടെൻ ഹാഗ് പറഞ്ഞു. ടർഫ് മൂറിൽ ബേൺലിക്കെതിരായ അവരുടെ പ്രീമിയർ ലീഗ് പോരാട്ടത്തിന് മുന്നോടിയായി സംസാരിക്കുക ആയിരുന്നു മാഞ്ചസ്റ്റർ യുണൈറ്റഡ് ഹെഡ് കോച്ച്.
മാഞ്ചസ്റ്റർ യുണൈറ്റഡ് പോലൊരു ക്ലബ് എല്ലാ മത്സരങ്ങളും വിജയിക്കേണ്ടതുണ്ട്. ഈ ക്ലബ്ബിൽ എല്ലാവരും യുണൈറ്റഡ് ആണ്. ടെൻ ഹാഗ് പറഞ്ഞു.
“എനിക്കറിയാം ഇത് എല്ലായ്പ്പോഴും മികച്ച പ്രകടനങ്ങൾ ഉണ്ടാകുന്നില്ല എന്ന്. നിങ്ങൾ ഒരുമിച്ച് നിൽക്കുമ്പോൾ കൂടുതൽ ശക്തരാകാനാകും. എല്ലാവരും ഒറ്റക്കെട്ടാണ്, യുണൈറ്റഡിൽ നിങ്ങൾ എല്ലാ കളിയും ശക്തമായി പോരാടണം. യുണൈറ്റഡിൽ നിങ്ങൾ എല്ലാ കളിയും ജയിക്കണം, ആ മാനസികാവസ്ഥ വേണം,” ടെൻ ഹാഗ് പറഞ്ഞു.
“വ്യക്തികൾ നിങ്ങൾ പ്രതീക്ഷിക്കുന്ന പ്രകടനം ഇതുവരെ ഈ സീസണിൽ കൊണ്ടുവന്നിട്ടില്ല, മാത്രമല്ല ഇത് ഒരു കളിക്കാരൻ മാത്രമല്ല, 11 കളിക്കാർ പിച്ചിൽ ഉണ്ട്. ഞങ്ങൾ 11 പേരുമായി ആക്രമിക്കുകയും 11 പേരുമായി പ്രതിരോധിക്കുകയും വേണം. അതിനാൽ ഒന്നോ രണ്ടോ പേർ അവരുടെ ജോലി ചെയ്യാത്തപ്പോൾ അത് ടീമിനെ മൊത്തം ബാധിക്കും ”ടെൻ ഹാഗ് കൂട്ടിച്ചേർത്തു.
