ബ്രസീലിയൻ ഫുട്‌ബോളിൽ പുതു ചരിത്രം എഴുതി നെയ്മർ. ഇന്ന് 2026 ലോകകപ്പ് യോഗ്യതാ മത്സരത്തിൽ ബൊളീവിയയ്‌ക്കെതിരെ രണ്ട് സുപ്രധാന ഗോളുകൾ നേടി നെയ്മർ ജൂനിയർ, ബ്രസീലിനെ വിജയത്തിലേക്ക് നയിക്കുക മാത്രമല്ല, ഒപ്പം ഇതിഹാസതാരം പെലെയെ മറികടന്ന് നെയ്മറെ സെലെക്കാവോയുടെ എക്കാലത്തെയും മികച്ച സ്കോറർ എന്ന പദവി ഉറപ്പിക്കുകയും ചെയ്തു.
പെലെയുടെ 78 ഗോളുകൾ എന്ന റെക്കോർഡ് മറികടന്ന് ബ്രസീലിന്റെ ടോപ് സ്കോറർ പട്ടികയുടെ മുകളിൽ നെയ്മർ എത്തി. 125 മത്സരങ്ങളിൽ നിന്ന് ആണ് നെയ്മർ 79 ഗോളുകൾ തന്റെ രാജ്യത്തിനായി നേടിയത്. പരിക്ക് നിരന്തരം അലട്ടിയില്ലായിരുന്നു എങ്കിൽ നെയ്മർ എന്നേ ഈ റെക്കോർഡ് മറികടന്നേനെ. തന്റെ ഗോൾ സ്‌കോറിംഗ് വൈദഗ്ധ്യത്തിന് അപ്പുറം, രാജ്യത്തിനായി 56 അസിസ്റ്റുകളും നെയ്മർ നൽകിയിട്ടുണ്ട്‌.
