അടുത്തിടെ അന്താരാഷ്ട്ര ക്രിക്കറ്റിൽ നിന്ന് വിരമിച്ച ഇംഗ്ലണ്ട് താരം സ്റ്റുവർട്ട് ബ്രോഡ്, താൻ പാകിസ്ഥാൻ ഇടംകൈയ്യൻ സ്പീഡ്സ്റ്റർ ഷഹീൻ ഷാ അഫ്രീദിയുടെ കടുത്ത ആരാധകനാണെന്ന് പറഞ്ഞു. ദി ഹൺറഡിൽ വെൽഷ് ഫയറിന് വേണ്ടി മികച്ച് പ്രകടനം നടത്തുകയാണ് ഷഹീൻ ഇപ്പോൾ.
“ഈ ലോകത്ത് ഞാൻ കളി കാണാൻ ആഗ്രഹിക്കുന്ന എന്റെ പ്രിയപ്പെട്ട ബൗളർമാരിൽ ഒരാളാണ് ഷഹീൻ ഷാ അഫ്രീദി,” ബ്രോഡ് സ്കൈ സ്പോർട്സിനോട് പറഞ്ഞു.
“അവന്റെ ബൗളിങിലെ ആക്ഷനും ഊർജ്ജവും ഉന്മേഷവും ഞാൻ ഇഷ്ടപ്പെടുന്നു. അദ്ദേഹത്തിന് ഒരു സ്വാഭാവിക കഴിവുണ്ട് – പന്ത് വലംകൈയ്യൻമാരിലേക്ക് ഇൻ സ്വിംഗ് ചെയ്ത് വരുന്ന രീതി കാണാൻ വളരെ രസകരമാണ്.” ബ്രോഡ് പറഞ്ഞു.
“ഈ വേനൽക്കാലത്ത് അദ്ദേഹം നോട്ട്‌സ് ഔട്ട്‌ലോകളെ പ്രതിനിധീകരിച്ചു, എന്റെ പ്രിയപ്പെട്ട ടീമണ് ഇത്. ഞാൻ വളരെയധികം ആരാധിക്കുന്ന ബൗളർമാരിൽ ഒരാളാണ് അദ്ദേഹം, അവൻ നല്ല പ്രകടനം നടത്തുന്നത് കാണാൻ ഞാൻ ആഗ്രഹിക്കുന്നു, ”അദ്ദേഹം കൂട്ടിച്ചേർത്തു
