വെസ്റ്റിന്‍ഡീസിനെതിരെ ഡൊമിനിക്ക ടെസ്റ്റിൽ ഇന്ത്യ തങ്ങളുടെ ഒന്നാം ഇന്നിംഗ്സ് 421/5 എന്ന നിലയിൽ ഡിക്ലയര്‍ ചെയ്തു. ഇന്ന് മത്സരത്തിന്റെ മൂന്നാം ദിവസം 271 റൺസ് ലീഡാണ് സന്ദര്‍ശകര്‍ നേടിയത്. 400/4 എന്ന നിലയിൽ ലഞ്ചിന് പിരിഞ്ഞ ടീമിന് 76 റൺസ് നേടിയ വിരാട് കോഹ്‍ലിയെ നഷ്ടമായി അധികം വൈകുന്നതിന് മുമ്പ് ടീം ഡിക്ലയര്‍ ചെയ്യുകയായിരുന്നു.
37 റൺസ് നേടിയ രവീന്ദ്ര ജഡേജയും 1 റൺസുമായി ഇഷാന്‍ കിഷനുമായിരുന്നു ക്രീസില്‍. 171 റൺസ് നേടിയ യശസ്വി ജൈസ്വാളാണ് ഇന്ത്യയുടെ ടോപ് സ്കോറര്‍. രോഹിത് ശര്‍മ്മ 103 റൺസ് നേടി.
