യുഎഇയ്ക്കെതിരെ സ്കോട്‍ലാന്‍ഡിന് ലോകകപ്പ് യോഗ്യത മത്സരത്തിൽ മികച്ച വിജയം. ഇന്ന് ആദ്യം ബാറ്റ് ചെയ്ത സ്കോട്‍ഡലാന്‍ഡ് 282 റൺസ് നേടിയപ്പോള്‍ യുഎഇ 171 റൺസിന് ഓള്‍ഔട്ട് ആകുകയായിരുന്നു. 111 റൺസിന്റെ വലിയ വിജയം ആണ് സ്കോട്‍ലാന്‍ഡ് കരസ്ഥമാക്കിയത്.
റിച്ചി ബെറിംഗ്ടൺ 127 റൺസ് നേടിയാണ് സ്കോട്‍ലാന്‍ഡിനെ 282 റൺസിലേക്ക് എത്തിച്ചത്. മാര്‍ക്ക് വാട്ട് 44 റൺസുമായി പുറത്താകാതെ നിന്നപ്പോള്‍ മൈക്കൽ ലീസെക് 41 റൺസ് നേടി. യുഎഇയ്ക്കായി ജുനൈദ് സിദ്ദിക്കി 3 വിക്കറ്റും അലി നാസ്സര്‍ 2 വിക്കറ്റും നേടി.
മറുപടി ബാറ്റിംഗിനിറങ്ങിയ യുഎഇയ്ക്ക് 35.3 ഓവറിൽ 171 റൺസേ നേടാനായുള്ളു. സയ്ഫാന്‍ ഷറീഫ് 4 വിക്കറ്റും ക്രിസ് സോള്‍ മൂന്ന് വിക്കറ്റും നേടി സ്കോട്‍ലാന്‍ഡിനായി തിളങ്ങിയപ്പോള്‍ 36 റൺസ് നേടിയ മുഹമ്മദ് വസീം ആണ് യുഎഇയുടെ ടോപ് സ്കോറര്‍.
