വലൻസിയക്ക് എതിരായ മത്സരത്തിൽ വംശീയ അധിക്ഷേപങ്ങൾ നേരിടുകയും തുടർന്ന് നടന്ന പ്രതികരണത്തിന് ചുവപ്പ് കാർഡ് ലഭിക്കുകയും ചെയ്ത വിനീഷ്യസ് ജൂനിയറിന്റെ ചുവപ്പ് കാർഡ് റഫറി ഫെഡറേഷൻ റദ്ദാക്കി. ഇതോടെ ഇന്ന് നടക്കുന്ന മത്സരത്തിൽ ബ്രസീലിയൻ താരത്തിന് കളിക്കാൻ ആവും. വിനീഷ്യസ് നേരിട്ട റേസിസവും താരത്തിന് നൽകിയ ചുവപ്പ് കാർഡും ഏറെ വിവാദമായ ശേഷമാണ് നടപടി.
അതേസമയം സ്പാനിഷ് ഫുട്ബോൾ ഫെഡറേഷൻ വലൻസിയക്ക് എതിരെയും നടപടി പ്രഖ്യാപിച്ചു. ആദ്യം കാണികളെ ന്യായീകരിച്ചു രംഗത്ത് എത്തിയ സ്പാനിഷ് അധികൃതർ ഏറെ പ്രതിഷേധത്തിന് ശേഷമാണ് നടപടി എടുത്തത്. 5 മത്സരങ്ങളിൽ വലൻസിയ സ്റ്റേഡിയത്തിൽ ആരാധകരെ ഭാഗികമായി മാത്രമേ പ്രവേശിപ്പിക്കുകയുള്ളൂ. വിനീഷ്യസിന് വംശീയ ആക്രമണം നേരിട്ട മരിയോ കെമ്പസ് സൗത്ത് സ്റ്റാന്റിൽ ആരെയും പ്രവേശിപ്പിക്കില്ല. ഇതിനു ഒപ്പം 45,000 യൂറോ പിഴയും വലൻസിയ ഒടുക്കണം.
