ഗുജറാത്തിനെതിരെ ഐപിഎൽ 2023ന്റെ ഉദ്ഘാടന മത്സരത്തിൽ 178 റൺസ് നേടി ചെന്നൈ സൂപ്പര്‍ കിംഗ്സ്. ടോസ് നഷ്ടമായി ബാറ്റിംഗിനിറങ്ങിയ ചെന്നൈയ്ക്ക് തുടക്കത്തിൽ തന്നെ ഡെവൺ കോൺവേയെ നഷ്ടമായി. രണ്ടാം വിക്കറ്റിൽ റുതുരാജും മോയിന്‍ അലിയും ചേര്‍ന്ന് 36 റൺസ് കൂട്ടിചേര്‍ത്ത ശേഷം മോയിന്‍ അലി 17 പന്തിൽ 23 റൺസ് നേടി പുറത്തായപ്പോള്‍ റുതുരാജിന്റെ ബാറ്റിംഗ് മികവാണ് പിന്നീട് കണ്ടത്.
ഒരു വശത്ത് വിക്കറ്റുകള്‍ വീഴ്ത്തി റഷീദ് ഖാന്‍ സമ്മര്‍ദ്ദം സൃഷ്ടിച്ചപ്പോള്‍ മറുവശത്ത് റുതുരാജ് ഗുജറാത്ത് ബൗളര്‍മാരെ കണക്കറ്റ് പ്രഹരിക്കുകയായിരുന്നു. താരം 50 പന്തിൽ 92 റൺസാണ് നേടിയത്. അൽസാരി ജോസഫിനാണ് റുതുരാജിന്റെ വിക്കറ്റ്.
എംഎസ് ധോണി 7 പന്തിൽ 14 റൺസ് നേടി പുറത്താകാതെ നിന്നപ്പോള്‍ ശിവം ഡുബേ 19 റൺസ് നേടി. 7 വിക്കറ്റ് നഷ്ടത്തിലാണ് ചെന്നൈ ഈ സ്കോര്‍ നേടിയത്. ഗുജറാത്തിനായി മൊഹമ്മദ് ഷമി, അൽസാരി ജോസഫ്, റഷീദ് ഖാന്‍ എന്നിവര്‍ രണ്ട് വീതം വിക്കറ്റ് നേടി.
