സ്റ്റാർകിന്റെ തീയുണ്ടകൾ!! ഇന്ത്യൻ ബാറ്റിങ് തകർന്നടിഞ്ഞു, വെറും 117ന് പുറത്ത്

രണ്ടാം ഏകദിനത്തിൽ ഇന്ത്യക്ക് ബാറ്റിങ് തകർച്ച. ഇന്ത്യയുടെ ഇന്നിംഗ്സ് വെറും 117 റൺസിന് അവസാനിച്ചു. 31 റൺസ് എടുത്ത വിരാട് കോഹ്ലിയും 29 റൺസ് എടുത്ത അക്സർ പട്ടേലും മാത്രം ആണ് കുറച്ചെങ്കിലും പിടിച്ചു നിന്നത്. തുടക്കത്തി സ്റ്റാർക്കിന്റെ മാരക ബൗളിംഗ് ആണ് ഇന്ത്യക്ക് പ്രശ്നമായത്. രോഹിത് ശർമ്മ (13), ഗിൽ (0), സൂര്യകുമാർ (0), രാഹുൽ (9) എന്നിവർ സ്റ്റാർകിന്റെ പന്തിൽ പുറത്തായി. അവസാനം സിറാജിനെയും സ്റ്റാർക്ക് വീഴ്ത്തി.

ആകെ നാലു താരങ്ങളാണ് ഇന്ത്യൻ നിരയിൽ രണ്ടക്കം കണ്ടത്. സീൻ അബോട്ട് 3 വിക്കറ്റും നഥാൻ എലിസ് രണ്ട് വിക്കറ്റും വീഴ്ത്തി. 8 ഓവർ എറിഞ്ഞ സ്റ്റാർക്ക് 53/5 എന്ന ബൗളിംഗ് ഫിഗറിൽ ആണ് അവസാനിപ്പിച്ചത്‌. ആദ്യ ഏകദിനത്തിലും ഇരു ടീമുകളും ബാറ്റു ചെയ്യാൻ ഏറെ പ്രയാസപ്പെട്ടിരുന്നു.