ആഴ്സണൽ ഗോൾകീപ്പർ ആരോൺ റാംസ്ഡേൽ ദീർഘകാലം ക്ലബ്ബിൽ തുടരാൻ ആഗ്രഹം പ്രകടിപ്പിച്ചു. ആഴ്സണലിന്റെ ഔദ്യോഗിക വെബ്‌സൈറ്റിന് നൽകിയ അഭിമുഖത്തിൽ സംസാരിക്കുകയാണ് റാംസ്ഡേൽ : “എനിക്ക് 10, 12, 15 വർഷത്തേക്ക് എന്നെ ആഴ്സണലിൽ തന്നെ കാണാൻ കഴിയുന്നു – അതാണ് ലക്ഷ്യം, അത്രയും സമയം ക്ലബിൽ തുടരുക” അദ്ദേഹം പറഞ്ഞു. ഈ ഫുട്ബോൾ ക്ലബ്ബിൽ ഒരു യഥാർത്ഥ നായകനും ഇതിഹാസവും ആകുക ആണ് ലക്ഷ്യം. ഗോൾകീപ്പർ പറഞ്ഞു.
24 കാരനായ ഗോൾകീപ്പർ 2021-ലെ വേനൽക്കാലത്ത് ഷെഫീൽഡ് യുണൈറ്റഡിൽ നിന്ന് ആണ് ഗണ്ണേഴ്‌സിനൊപ്പം ചേർന്നത്. അന്ന് മുതൽ ടീമിന്റെ ഒന്നാം നമ്പർ ആണ് അദ്ദേഹം. ഇപ്പോൾ പ്രീമിയർ ലീഗ് കിരീടത്തിലേക്ക് കുതിക്കുന്ന ആഴ്സണലിന്റെ പ്രധാന കളിക്കാരനാണ് റാംസ്ഡേൽ. ഈ സീസൺ പ്രീമിയർ ലീഗിൽ ഏറ്റവും കൂടുതൽ ക്ലീൻഷീറ്റ് ഉള്ള താരവും റാംസ്ഡേൽ ആണ്.
