ദക്ഷിണാഫ്രിക്കയുടെ ട്രിസ്റ്റന്‍ സ്റ്റബ്സിനെ ടി20 ബ്ലാസ്റ്റിനായി ടീമിലേക്ക് എത്തിച്ച് ഡര്‍ഹം. ഇതാദ്യമായാണ് സ്റ്റബ്സ് കൗണ്ടിയിലെ ഒരു ക്ലബിനായി ജഴ്സിയണിയുന്നത്. തന്റെ കന്നി ടി20 ഇന്നിംഗ്സിൽ തന്നെ 28 പന്തിൽ 72 റൺസ് ഇംഗ്ലണ്ടിനെതിരെ നേടി ശ്രദ്ധ പിടിച്ച് പറ്റിയ താരം ദക്ഷിണാഫ്രിക്കയ്ക്കായി 13 ടി20 മത്സരങ്ങളിൽ കളിച്ചിട്ടുണ്ട്.
ഐപിഎലിൽ മുംബൈ ഇന്ത്യന്‍സ് ടീമിൽ അംഗമായ താരം എസ്എ20 ഉദ്ഘാടന പതിപ്പിൽ കിരീടം നേടിയ സൺറൈസേഴ്സ് ഈസ്റ്റേൺ കേപ് സ്ക്വാഡിൽ അംഗമായിരുന്നു. ദി ഹണ്ട്രെഡിൽ കളിച്ചത് വഴി താരത്തിന് ഇംഗ്ലണ്ടിൽ കളിച്ച് വേണ്ട പരിചയവും ഉണ്ട്. ദി ഹണ്ട്രെഡിൽ മാഞ്ചസ്റ്റര്‍ ഒറിജിനൽസ് ടീമിലെ അംഗമായിരുന്നു സ്റ്റബ്സ്.
