കേരളത്തിനെതിരെ രഞ്ജി ട്രോഫി മത്സരത്തിൽ രണ്ടാം ദിവസത്തെ കളി അവസാനിക്കുമ്പോള്‍ സര്‍വീസ്സിന് 6 വിക്കറ്റ് നഷ്ടം. 167 റൺസാണ് ടീം നേടിയിട്ടുള്ളത്. 160 റൺസ് കൂടി നേടിയാലെ കേരളത്തിന്റെ സ്കോറിനൊപ്പം സര്‍വീസസ്സിന് എത്താനാകുകയുള്ളു.
50 റൺസ് നേടി പുറത്തായ രവി ചൗഹാന്‍ ആണ് സര്‍വീസ്സിന്റെ ടോപ് സ്കോറര്‍. രോഹില്ല 31 റൺസ് നേടി. കേരളത്തിനായി വൈശാഖ് ചന്ദ്രനും ജലജ് സക്സേനയും രണ്ട് വീതം വിക്കറ്റ് നേടിയപ്പോള്‍ നിധീഷും സിജോമോനും ഓരോ വിക്കറ്റ് നേടി.
നേരത്തെ കേരളത്തിന്റെ ഇന്നിംഗ്സ് 327 റൺസിൽ അവസാനിച്ചിരുന്നു. 159 റൺസ് നേടിയ സച്ചിന്‍ ബേബിയാണ് കേരളത്തിനായി ബാറ്റിംഗിൽ തിളങ്ങിയത്.
