കോപ ഡെൽ റേയിൽ റൗണ്ട് ഓഫ് 32ൽ റയൽ മാഡ്രിഡിന് വിജയം. ഇന്ന് ചെറിയ ക്കബായ കാസെറിനോയെ എവേ മത്സരത്തിൽ നേരിട്ട റയൽ മാഡ്രിഡ് മറുപടിയില്ലാത്ത ഒരു ഗോളിനാണ് വിജയിച്ചത്. ചെറിയ മത്സരമായത് കൊണ്ട് തന്നെ ഇന്ന് ആഞ്ചലോട്ടി ഒരുപാട് മാറ്റങ്ങളാണ് സ്ക്വാഡിൽ വരുത്തിയത്‌. ബെൻസീമയും വിനീഷ്യസും മോഡ്രിചും ഒന്നും ഇന്ന് സ്ക്വാഡിനൊപ്പം ഉണ്ടായിരുന്നില്ല.
ആദ്യ പകുതിയിൽ ഇന്ന് ഗോൾ ഒന്നും വന്നില്ല. രണ്ടാം പകുതിയിൽ 69ആം മിനുട്ടിൽ റോഡ്രിഗോ ആണ് വിജയ ഗോൾ നേടിയത്. സെബയോസിൽ നിന്ന് പാസ് സ്വീകരിച്ച റോഡ്രിഗോ പെനാൾട്ടി ബോക്സിൽ മികച്ച ചുവടുകൾ വെച്ച ശേഷം തൊടുത്ത ഷോട്ടാണ് ഗോളായത്. ഈ വിജയത്തോടെ റയൽ മാഡ്രിഡ് കോപ ഡെൽ റേ പ്രീക്വാർട്ടറിലേക്ക് മുന്നേറി.
