ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡ് ഇന്ന് വോൾവ്സിന് എതിരെ ഇറങ്ങും. വോൾവ്സിന്റെ ഹോം ഗ്രൗണ്ടായ മോളിനക്സ് ഗ്രൗണ്ടിൽ വെച്ചാകും മത്സരം. കഴിഞ്ഞ മത്സരത്തിൽ നോട്ടിങ്ഹാം ഫോറസ്റ്റിന് എതിരെ മികച്ച വിജയം നേടിയ മാഞ്ചസ്റ്റർ യുണൈറ്റഡ് മികച്ച ആത്മവിശ്വാസത്തിൽ ആണ്. ഇന്ന് വിജയിച്ചാൽ മാഞ്ചസ്റ്റർ യുണൈറ്റഡിന് ആദ്യ നാലാം സ്ഥാനത്തേക്ക് തൽക്കാലം എത്താം.
ലിസാൻഡ്രോ മാർട്ടിനസ്, ഡാലോട്ട് എന്നിവർ പരിശീലനത്തിൽ തിരികെ എത്തിയതിനാൽ ഇന്ന് ആദ്യ ഇലവനിൽ മാറ്റങ്ങൾ ഉണ്ടാകാൻ സാധ്യതയുണ്ട്. ലിസാൻഡ്രോയും വരാനെയും സെന്റർ ബാക്ക് കൂട്ടുകെട്ടായേക്കും. ഡാലോട്ട് വാൻ ബിസാകയ്ക്ക് പകരം റൈറ്റ് ബാക്കായി ഇറങ്ങും എന്ന് പ്രതീക്ഷിക്കപ്പെടുന്നു.
ഇന്ന് വൈകിട്ട് 6 മണിക്കാണ് പോരാട്ടം നടക്കുന്നത്. മാഞ്ചസ്റ്റർ യുണൈറ്റഡിന് 29 പോയിന്റാണ് ഇപ്പോൾ ഉള്ളത്. വോൾവ്സ് ഇപ്പോൾ റിലഗേഷൻ സോണിൽ ആണ്. ആകെ 13 പോയിന്റ് മാത്രമെ അവർക്ക് ഇതുവരെയുള്ളൂ.
