ഇന്ത്യയ്ക്കായി സീനിയര്‍ ടീമിൽ കളിക്കുന്ന ഷഫാലി വര്‍മ്മയ്ക്കും റിച്ച ഘോഷിനും അണ്ടര്‍ 19 ലോകകപ്പ് കളിക്കുവാന്‍ അനുമതി നൽകി ഐസിസി. വനിത അണ്ടര്‍ 19 ലോകകപ്പിന്റെ ആദ്യ പതിപ്പാണ് അരങ്ങേറുവാനിരിക്കുന്നത്.
നീതു ഡേവിഡ് നയിക്കുന്ന സെലക്ഷന്‍ പാനലും ഐസിസിയും ഇത് സംബന്ധിച്ച കാര്യങ്ങളിൽ ബിസിസിഐ വഴി വ്യക്തത വരുത്തിയിട്ടുണ്ട് എന്നാണ് ലഭിയ്ക്കുന്ന വിവരം.
18 വയസ്സുള്ള ഷഫാലി വര്‍മ്മ 69 അന്താരാഷ്ട്ര മത്സരങ്ങളിൽ ഇന്ത്യയെ പ്രതിനിധീകരിച്ചിട്ടുണ്ട്. റിച്ച ഘോഷ് ഇന്ത്യയ്ക്കായി 42 അന്താരാഷ്ട്ര മത്സരങ്ങളാണ് കളിച്ചിട്ടുള്ളത്. റിച്ചയ്ക്ക് 19 വയസ്സുണ്ടെങ്കിലും സെപ്റ്റംബര്‍ 1 2023ന് മുമ്പ് ജനിച്ചവര്‍ക്ക് കളിക്കാമെന്ന ഐസിസി നിയമം കാരണം താരത്തിനും കളിക്കുവാന്‍ അനുമതി ലഭിയ്ക്കും. ജനുവരി 28 2003ൽ ആണ് റിച്ച ജനിക്കുന്നത്.
