അഫ്ഗാനിസ്ഥാന്‍ താരം ഫസൽഹഖ് ഫറൂഖിയെ സ്വന്തമാക്കി സിഡ്നി തണ്ടര്‍. ഡേവിഡ് വില്ലി പിന്മാറിയതിനെത്തുടര്‍ന്നാണ് ഫറൂഖിയെ ബിഗ് ബാഷ് ഫ്രാഞ്ചൈസി സ്വന്തമാക്കിയത്. ടീമിന്റെ ആദ്യ 9 റൗണ്ട് മത്സരങ്ങള്‍ക്ക് ഫറൂഖിയുടെ സേവനം ടീമിന് ലഭിയ്ക്കും.
അഫ്ഗാനിസ്ഥാനായി 17 ടി20 അന്താരാഷ്ട്ര മത്സരങ്ങളിലും 7 ഏകദിനങ്ങളിലും കളിച്ചിട്ടുള്ളയാളാണ് ഫസൽഹഖ് ഫറൂഖി. താരം അടുത്തിടെ അവസാനിച്ച ടി20 ലോകകപ്പിലും ശ്രദ്ധേയമായ പ്രകടനമാണ് പുറത്തെടുത്തത്.
ഓസ്ട്രേലിയയ്ക്കെതിരെ 29 റൺസ് വിട്ട് നൽകി 2 വിക്കറ്റ് താരം നേടിയിരുന്നു. ഐപിഎലിലും പങ്കെടുത്തിട്ടുള്ളയാളാണ് ഫസൽഹഖ് ഫറൂഖി.
