ഐപിഎൽ 2023ന് മുമ്പുള്ള മെഗാ ലേലത്തിനായുള്ള തയ്യാറെടുപ്പുകള്‍ ആരംഭിച്ചപ്പോള്‍ ആദ്യ പടിയായി റിലീസ് ചെയ്ത താരങ്ങളുടെ പട്ടിക ഇന്നായിരുന്നു ടീമുകള്‍ പുറത്ത് വിടേണ്ടിയിരുന്നത്. പഞ്ചാബ് കിംഗ്സ് തങ്ങളുടെ കഴിഞ്ഞ തവണത്തെ ക്യാപ്റ്റന്‍ മയാംഗ് അഗര്‍വാളിനെയും വിദേശ താരം ഒഡിയതന്‍ സ്മിത്തിനെയും ഉള്‍പ്പെടെ 9 താരങ്ങളെയാണ് റിലീസ് ചെയ്തത്.
ഇതിൽ ഇംഗ്ലണ്ടിന്റെ ബെന്നി ഹോവലാണ് മറ്റൊരു വിദേശ താരം. ഇന്ത്യന്‍ താരങ്ങളിൽ രാജ് അംഗദ് ബാവ, വൈഭവ് അറോറ, ഇഷാന്‍ പോറൽ, അന്‍ഷ് പട്ടേൽ, പ്രേരക് മങ്കഡ്, സന്ദീപ് ശര്‍മ്മ, വൃത്തിക് ചാറ്റര്‍ജ്ജി എന്നിവരെയും റിലീസ് ചെയ്തു.
