ഹകീം സിയെച് അവസാനം മൊറോക്കോ ദേശീയ ടീമിൽ തിരികെയെത്തി. ഈ ഇന്റർ നാഷണൽ ബ്രേക്കിലെ മത്സരങ്ങൾക്ക് ആയി മൊറോക്കോ സിയെചിനെ തിരികെ ടീമിൽ ഉൾപ്പെടുത്തി. കഴിഞ്ഞ ജനുവരിയിൽ പ്രതിഷേധം കാരണം ഹകീം സിയെച് അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചിരുന്നു.
മൊറോക്കോ ദേശീയ ടീം പരിശീലകൻ വാഹിദുമായുള്ള പ്രശ്നമാണ് ഇത്തരത്തിൽ ഒരു തീരുമാനത്തിൽ സിയെചിനെ അന്ന് എത്തിച്ചത്. കോച്ച് വാഹിദ് ഹാലിൽഹോഡ്‌സിക്കുമായുള്ള പ്രശ്നങ്ങൾ കാരണം സിയെചിനെ 2021 ആഫ്രിക്ക നേഷൻസ് കപ്പിനുള്ള മൊറോക്കോയുടെ അന്തിമ ടീമിൽ നിന്ന് ഒഴിവാക്കിയിരുന്നു. ഇതിനു ശേഷം ആയിരുന്നു വിരമിക്കൽ പ്രഖ്യാപനം.
സിയെചിനെ ടീമിൽ എടുക്കാത്തതിൽ വലിയ പ്രതിഷേധം രാജ്യത്തെ ഫുട്ബോൾ ആരാധകരിൽ നിന്ന് ഉയർന്നിരുന്നു. മൊറോക്കൻ ദേശീയ ടീമിനായി 40 തവണ കളിച്ചിട്ടുള്ള സിയെച് പത്ത് ഗോളുകൾ രാജ്യത്തിനായി നേടിയിട്ടുണ്ട്
