അയര്‍ലണ്ട് പര്യടനത്തിന് ഇന്ത്യന്‍ ടീമിനൊപ്പം ചേതന്‍ ശര്‍മ്മയും

ഇന്ത്യയുടെ അയര്‍ലണ്ട് പര്യടനത്തിനുള്ള ടീമിനൊപ്പം സെലക്ടര്‍മാരുടെ ചെയര്‍മാന്‍ ചേതന്‍ ശര്‍മ്മയും യാത്ര ചെയ്യും. ഈ മാസം അവസാനം ആരംഭിയ്ക്കുന്ന രണ്ട് ടി20 മത്സരങ്ങള്‍ക്കായാണ് ഇന്ത്യന്‍ ടീം അയര്‍ലണ്ടിലേക്ക് പറക്കുന്നത്.

ടീമിനെ ഹാര്‍ദ്ദിക് പാണ്ഡ്യ നയിക്കുമ്പോള്‍ മുഖ്യ കോച്ചിന്റെ ചുമതല വിവിഎസ് ലക്ഷ്മണിനാണ്. ഡബ്ലിനിൽ ജൂൺ 26ന് ആണ് രണ്ട് മത്സരങ്ങളുടെ ടി20 പരമ്പര ആരംഭിയ്ക്കുന്നത്.