രഞ്ജി ട്രോഫി, സർഫറാസ് ഖാന് വീണ്ടും സെഞ്ച്വറി

രഞ്ജി ട്രോഫി ഫൈനലിൽ മുംബൈ മികച്ച സ്കോറിലേക്ക് നീങ്ങുന്നു‌. രണ്ടാം ദിവസം ലഞ്ചിന് പിരിയുമ്പോൾ മുംബൈ 351-8 എന്ന നിലയിൽ ആണ്. സർഫറാസ് ഖാൻ സെഞ്ച്വറിയുമായി ഇപ്പോഴും ക്രീസിൽ ഉണ്ട്. സർഫറാസ് ഈ രഞ്ജി സീസണിലെ നാലാം സെഞ്ച്വറി ആണ് നേടിയത്‌. സർഫറാസ് 224 പന്തിൽ നിന്ന് 119 റൺസുമായി ക്രീസിൽ നിൽക്കുന്നു. 6 റൺസുമായി തുശാർ പാണ്ടെയും ക്രീസിൽ ഉണ്ട്

സർഫറാസ് ഖാൻ അവസാന 12 രഞ്ജി മത്സരങ്ങളിൽ നിന്ന് 7 സെഞ്ച്വറിയും അഞ്ച് അർധ സെഞ്ച്വറിയും നേടിയിട്ടുണ്ട്. മുംബൈയെ 400 എടുക്കും മുമ്പ് എറിഞ്ഞിടുക ആയിരിക്കും മധ്യപ്രദേശിന്റെ ലക്ഷ്യം. മധ്യപ്രദേശിനായി ഇതുവരെ അനുഭവ് അഗർവാൾ മൂന്ന് വിക്കറ്റും ഗൗരവ് യാദവ്, സരാൻസ് ജെയിൻ എന്നിവർ രണ്ടു വിക്കറ്റ് വീതവും വീഴ്ത്തി.