ലെപ്സീഗ് താരം ഇലയ്ക്സ് മോറിബയെ ടീമിൽ എത്തിക്കാൻ അയാക്‌സിന്റെ ശ്രമിച്ചേക്കും. ബയേണിലേക്ക് ചേക്കേറിയ ഗ്രാവെൻബെർഷിന് പകരക്കാരൻ ആയാണ് മധ്യനിര താരത്തെ അയാക്‌സ് നോട്ടമിട്ടത്.
2021ലാണ് ബാഴ്‌സ ടീമംഗം ആയിരുന്ന മോറിബ ലെപ്സിഗിലേക്ക് എത്തിയത്. കോമാന് കീഴിൽ അവസരങ്ങൾ ലഭിച്ചിരുന്നെങ്കിലും താരം ബുണ്ടസ് ലീഗയിലേക്ക് ചേക്കേറാൻ തീരുമാനിക്കുകയായിരുന്നു.എന്നാൽ ആദ്യ ഇലവനിൽ ഇടം പിടിക്കാൻ ബുദ്ധിമുട്ടിയതോടെ ജനുവരിയിൽ ലോണിൽ വലൻസിയയിൽ എത്തി.
ബാഴ്‌സക്ക് വേണ്ടി പതിനെട്ടും ലെപ്സിഗിന് വേണ്ടി ആറും വലൻസിയക്ക് വേണ്ടി പതിനാലും മത്സരങ്ങൾ കളിച്ചു. സ്പെയിൻ യൂത്ത് ടീമുകൾക്ക് വേണ്ടി കളിച്ചിട്ടുള്ള താരം ഗ്വിനിയക്ക് വേണ്ടിയാണ് അന്താരാഷ്ട്ര മത്സരങ്ങളിൽ ബൂട്ട് കെട്ടിയത്.
മുൻ ബാഴ്‌സ അസിസ്റ്റന്റ് കോച്ച് ആൽഫ്രഡ് ഷ്രൂഡർ മാനേജർ ആയി വന്നതും മോറിബക്ക് വേണ്ടിയുള്ള അയക്‌സിന്റെ നീക്കത്തിൽ നിർണായകമായി . കോമന്റെ കീഴിൽ താരം ആദ്യമായി ബാഴ്‌സ സീനിയർ ടീമിൽ ഇടം പിടിച്ചപ്പോൾ ഷ്രൂഡർ ആയിരുന്നു ടീമിന്റെ അസിസ്റ്റന്റ് കോച്ച്. താരത്തിന്റെ കൈമാറ്റതുകയുടെ 10% ബാഴ്‌സലോണക്ക് ലഭിക്കും. ഷ്രൂഡറുടെ സാന്നിധ്യം താരത്തിന്റെയും നീക്കങ്ങളെ സ്വാധിനിച്ചേക്കും.
