സീരി എയിൽ ഇന്ന് റോമയ്ക്ക് ആശ്വാസ വിജയം. ഇന്ന് ലീഗിലെ അവസാന സ്ഥാനക്കാരായ സലർനിറ്റാനയെ നേരിട്ട റോമ 81മിനുട്ടുകളോളം പിറകിൽ നിന്നാണ് 2-1ന്റെ വിജയം സ്വന്തമാക്കിയത്. 23ആം മിനുട്ടിൽ റാദൊവാനോകിചിന്റെ ഗോളിലായിരുന്നു സലർനിറ്റാന ലീഡ് എടുത്തത്‌. ഈ ഗോൾ റോമയെ സമ്മർദ്ദത്തിലാക്കി. അവസാനം 81ആം മിനുട്ടിൽ കാർലസ് പെരസിന്റെ ഗോളാണ് റോമക്ക് സമനില നൽകിയത്‌. മിഖിതാര്യൻ ആ ഗോൾ ഒരുക്കിയത്‌.
ഈ ഗോളിന് പിന്നാലെ സ്മാളിംഗ് വിജയ ഗോളും നേടി. ഈ വിജയത്തോടെ 57 പോയിന്റുമായി ജോസെ മൗറീനോയുടെ ടീം അഞ്ചാം സ്ഥാനത്ത് നിൽക്കുകയാണ്.
