സ്പാനിഷ് ലാ ലീഗയിൽ ഒസാസുനക്ക് എതിരെ 87 മത്തെ മിനിറ്റിൽ വിജയഗോൾ കണ്ടത്തി ജയം നേടി അത്ലറ്റികോ മാഡ്രിഡ്. ജയത്തോടെ റയൽ മാഡ്രിഡിന് ഒരു പോയിന്റ് മാത്രം പിറകിൽ നാലാം സ്ഥാനത്ത് എത്താനും സിമിയോണിയുടെ ടീമിന് ആയി. ഏതാണ്ട് സമാസമം ആയിരുന്നു ഇരു ടീമുകളും മത്സരത്തിൽ.
എന്നാൽ മത്സരത്തിന്റെ അവസാന നിമിഷങ്ങളിൽ ആണ് അത്ലറ്റികോ തങ്ങളുടെ നിർണായക ഗോൾ കണ്ടത്തിയത്. 87 മത്തെ മിനിറ്റിൽ യാനിക് കരാസ്കയുടെ കോർണറിൽ നിന്നു ഹെഡറിലൂടെ ഗോൾ കണ്ടത്തിയ ഫിലിപ്പെയാണ് അത്ലറ്റികോക്ക് നിർണായക ജയം സമ്മാനിച്ചത്. ചാമ്പ്യൻസ് ലീഗിൽ നിർണായക മത്സരത്തിന് ഇറങ്ങുന്ന അത്ലറ്റികോക്ക് ഈ ജയം വലിയ പ്രചോദനം ആവും.
