ചാമ്പ്യൻസ് ലീഗിൽ മാഞ്ചസ്റ്റർ യുണൈറ്റഡിനെതിരെ 2-0ന്റെ ലീഡ് കളഞ്ഞ് പരാജയം ഏറ്റുവാങ്ങിയ അറ്റലാന്റ ഇന്ന് സീരി എയിൽ ഉഡിനെസെക്ക് എതിരെയും വിജയം കൈവിട്ട്. ഇഞ്ച്വറി ടൈമിലെ ഒരു ഹെഡറിൽ ആണ് അറ്റലാന്റയ്ക്ക് വിജയം നഷ്ടമായത്. തുടക്കത്തിൽ മലിനവോസ്കി തൊടുത്ത ഒരു റോക്കറ്റ് ഷോട്ട് ആണ് അറ്റലാന്റക്ക് ലീഡ് നൽകിയത്. ഇതിന് 90ആം മിനുട്ടിൽ ബെറ്റോ ഒരു ഹെഡറിലൂടെ മറുപടി നൽകി. അവസാന നിമിഷങ്ങളിൽ അറ്റലാന്റയുടെ കോച്ച് ഗസ്പറെനി ചുവപ്പ് കാർഡ് കാണുകയും ചെയ്തു.
ഈ സമനില അറ്റലാന്റയെ ആദ്യ നാലിന് പുറത്ത് നിർത്തുകയാണ്. അറ്റലാന്റയ്ക്ക് 9 മത്സരങ്ങളിൽ നിന്ന് 15 പോയിന്റാണ് ഉള്ളത്. ഉഡിനെസെ 10 പോയിന്റുമായി 13ആം സ്ഥാനത്ത് നിൽക്കുകയാണ്.
