ഒക്ടോബറിൽ നടക്കുന്ന ഗുസ്തി ലോക ചാമ്പ്യന്‍ഷിപ്പിൽ ഇന്ത്യയ്ക്ക് വേണ്ടി ഗോദയിലിറങ്ങുവാന്‍ ബജ്രംഗ് പൂനിയ ഇല്ല. താരത്തിനോട് ആറ് ആഴ്ചത്തെ റീഹാബിലിറ്റേഷന്‍ ഡോക്ടര്‍ നിര്‍ദ്ദേശിച്ചിട്ടുള്ളതിനാലാണ് ഈ തീരുമാനം എന്നും അറിയിച്ചു.
ടോക്കിയോ ഒളിമ്പിക്സിൽ 65 കിലോ വിഭാഗത്തിൽ ബജ്രംഗ് പൂനിയ വെങ്കല മെഡൽ നേടിയിരുന്നു. താരം പരിക്കേറ്റിട്ടും ഒളിമ്പിക്സിൽ മത്സരിക്കുകയായിരുന്നു. എന്നാൽ ആവശ്യത്തിന് വിശ്രമത്തിലൂടെ തന്റെ ഫിറ്റ്നെസ്സ് വീണ്ടെടുക്കുവാനായി അദ്ദേഹം ലോക ചാമ്പ്യന്‍ഷിപ്പിൽ നിന്ന് വിട്ട് നില്‍ക്കുവാന്‍ തീരുമാനിക്കുകയായിരുന്നു.
