യുവന്റസിന്റെ സെന്റർ ബാക്കായ മെറിഹ് ഡെമിറാൽ അറ്റലാന്റയിൽ മെഡിക്കൽ പൂർത്തിയാക്കി. കരാർ ഒപ്പുവെച്ച ഡെമിറാലിന്റെ വരവ് അറ്റലാന്റ ഉടൻ ഔദ്യോഗികമായി പ്രഖ്യാപിക്കും. തുടക്കത്തിൽ ഒരു വർഷത്തെ ലോണും പിന്നീട് 30 മില്യൺ നൽകി അറ്റലാന്റ താരത്തെ സ്വന്തമാക്കുകയും ചെയ്യും. ക്രിസ്റ്റ്യൻ റൊമേരോക്ക് പകരക്കാരനായാണ് ഡെമിറാൽ അറ്റലാന്റയിൽ എത്തുന്നത്.
തുർക്കിയുടെ സെന്റർ ബാക്കായ ഡെമിറാലിന് യുവന്റസിൽ അധികം അവസരം ലഭിച്ചിരുന്നില്ല. 23കാരനായ താരം വലിയ ഭാവിയുള്ള താരമായാണ് വിലയിരുത്തപ്പെടുന്നത്. ഡെമിറാൽ സസുവോളയിൽ നിന്നായിരുന്നു രണ്ടു വർഷം മുമ്പ് യുവന്റസിൽ എത്തിയത്. അറ്റലാന്റയിലൂടെ തന്റെ കരിയർ നേരെയാക്കാൻ ആകും ഡെമിറാലിന്റെ ഉദ്ദേശം.
