ഡൊമിനിക് സിബ്ലേ ഒരു ടെസ്റ്റ് താരമാണെന്ന് തനിക്ക് തോന്നിയിട്ടില്ലെന്ന് പറഞ്ഞ് മുന്‍ ഓസ്ട്രേലിയന്‍ താരം മാര്‍ക്ക് വോ. താരം എങ്ങനെ ഇംഗ്ലണ്ട് ടീമിൽ എത്തിപ്പെട്ടുവെന്ന് തനിക്ക് തോന്നുന്നില്ലെന്നും വോ പറഞ്ഞു. ഇംഗ്ലണ്ടിനായി 20 ടെസ്റ്റിൽ നിന്ന് 985 റൺസ് നേടിയിട്ടുള്ള താരമാണ് ഡൊമിനിക് സിബ്ലേ.
ഡൊമിനിക് സിബ്ലേയ്ക്ക് റൺസ് സ്കോര്‍ ചെയ്യുവാന്‍ കഴിയുമെന്ന് തോന്നുന്നില്ലെന്നും ബേൺസിനെയും സിബ്ലേയെയും ഓപ്പണര്‍മാരാക്കി ഓസ്ട്രേലിയയിലേക്ക് എത്തി ആഷസ് വിജയിക്കാനാകുമെന്നത് ഇംഗ്ലണ്ടിന്റെ വ്യാമോഹമാണെന്നും മാര്‍ക്ക് വോ പറഞ്ഞു.
ഡൊമിനിക് സിബ്ലേയ്ക്ക് ഷോട്ടുകളൊന്നുമില്ലെന്നും താരം ഒരു ടെസ്റ്റ് താരമാണെന്ന് തനിക്ക് തോന്നുന്നില്ലെന്നും ഇംഗ്ലണ്ടിൽ മികച്ച താരങ്ങളുടെ അഭാവം ഉള്ളതിനാലാവും താരം ഇംഗ്ലണ്ട് ടെസ്റ്റ് ടീമിൽ ഇടം നേടിയതെന്നും മാര്‍ക്ക് വോ അഭിപ്രായപ്പെട്ടു.
