സെയിന്റ് ലൂസിയയില്‍ ഒന്നാം ദിവസം തന്നെ ഓള്‍ഔട്ട് ആയി വെസ്റ്റിന്‍ഡീസ്. ദക്ഷിണാഫ്രിക്കന്‍ പേസര്‍മാരുടെ തീപാറും സ്പെല്ലിന് മുന്നിൽ പിടിച്ചുനില്‍ക്കുവാന്‍ പാടുപെട്ട വിന്‍ഡസ് വെറും 40.5 ഓവറുകള്‍ മാത്രമാണ് പിടിച്ച് നിന്നത്. 97 റൺസിനാണ് വിന്‍ഡീസ് ഓള്‍ഔട്ട് ആയത്.
ലുംഗിസാനി എന്‍ഗിഡി അഞ്ച് വിക്കറ്റും ആന്‍റിക് നോര്‍ക്കിയ നാല് വിക്കറ്റും നേടിയാണ് കരീബിയന്‍ സംഘത്തിന്റെ നടുവൊടിച്ചത്. ജേസൺ ഹോള്‍ഡര്‍ നേടിയ 20 റൺസാണ് വെസ്റ്റിന്‍ഡീസിന്റെ ടോപ് സ്കോറര്‍.
15 റൺസ് വീതം നേടിയ ഓപ്പണര്‍മാരായ ക്രെയിഗ് ബ്രാത്‍വൈറ്റും ഷായി ഹോപുമാണ് മറ്റു പ്രധാന സ്കോറര്‍മാര്‍. റഖീം കോര്‍ൺവാൽ 13 റൺസും നേടി.
