മാധ്യമങ്ങളെ അവഗണിക്കുന്നത് തുടരുകയാണെങ്കിൽ നവോമി ഒസാക്കയെ ഫ്രഞ്ച് ഓപ്പണിൽ നിന്ന് പുറത്താക്കുമെന്ന് അറിയിച്ച് ഫ്രഞ്ച് ഓപ്പൺ അധികാരികൾ. ഇന്ന് $15000 പിഴ താരത്തിനെതിരെ വിധിച്ചിരുന്നു. മാനസിക സമ്മർദ്ധം ചൂണ്ടിക്കാണിച്ചാണ് താരം മാധ്യമങ്ങളെ കാണുന്നതിൽ നിന്ന് പിന്മാറിയത്. ഞായറാഴ്ച റൊമാനിയയുടെ പാട്രിക്ക മരിയ ടിഗിനെതിരെയുള്ള മത്സരത്തിന് ശേഷം താരം മാധ്യമങ്ങളെ അവഗണിച്ചിരുന്നു.
കഴിഞ്ഞ ബുധനാഴ്ച താരം സോഷ്യൽ മീഡിയയിലുടെ താൻ നിർബന്ധമായിട്ട് പങ്കെടുക്കേണ്ട മത്സരശേഷമുള്ള പത്ര സമ്മേളനത്തിൽ പങ്കെടുക്കില്ലെന്ന് താരം പറഞ്ഞിരുന്നു.
അധികാരികളുടെ മുന്നറിയിപ്പ് വന്ന് അധികം വൈകുന്നതിന് മുമ്പ് താരം ടൂർണ്ണമെന്റിൽ നിന്ന് പിന്മാറുകയാണെന്ന് അറിയിച്ചു.
ടെന്നീസിലേക്ക് വീണ്ടും ശ്രദ്ധ കേന്ദ്രീകരിക്കപ്പെടുവാനും ഇപ്പോൾ നടക്കുന്ന വിവാദം അവസാനിക്കുവാനും താൻ ടൂർണ്ണമെന്റിൽ നിന്ന് പിന്മാറുന്നതാണ് നല്ലതെന്നും താരം പറഞ്ഞു. യുഎസ് ഓപ്പൺ 2018 മുതൽ താൻ ഡിപ്രഷനുമായി താൻ പലപ്പോഴും പൊരുതുന്ന ഒരു സാഹചര്യമുണ്ടായിരുന്നുവെന്നും താൻ ഒരു സ്വാഭാവിക പബ്ലിക്ക് സ്പീക്കർ അല്ലെന്നും താരം പറഞ്ഞു.
മാധ്യമങ്ങളെ കാണുന്നതിന് മുമ്പ് തനിക്ക് വലിയ സമ്മർദ്ദം അനുഭവപ്പെടാറുണ്ടെന്നും സ്ട്രെസ്ഡ് ആവുന്നതും പതിവാണെന്നും അതിനാലാണ് താൻ മാധ്യമങ്ങളെ കാണേണ്ടതില്ലെന്നും തീരുമാനിച്ചതെന്നും താരം പറഞ്ഞു.
