മാഞ്ചസ്റ്റർ യുണൈറ്റഡ് ഈ സമ്മറിൽ സൈൻ ചെയ്യേണ്ടത് ആരൊക്കെയാണെന്ന് പറഞ്ഞ് മുൻ മാഞ്ചസ്റ്റർ യുണൈറ്റഡ് ക്യാപ്റ്റൻ റോയ് കീൻ. മാഞ്ചസ്റ്റർ യുണൈറ്റഡ് ഈ സീസണിൽ സിറ്റിക്ക് ഒരുപാട് താഴെ ആണ്. ആ ഗാപ്പ് നികത്തണം എങ്കിൽ മൂന്ന് സൈനിംഗുകൾ എങ്കിലും യുണൈറ്റഡ് നടത്തണം. ഒരു സ്ട്രൈക്കറും ഇരു മിഡ്ഫീൽഡറും ഒരു സെന്റർ ബാക്കിനെയും യുണൈറ്റഡ് സൈൻ ചെയ്യണം. കീൻ പറയുന്നു.
താൻ ആഗ്രഹിക്കുന്നത് യുണൈറ്റഡ് കെയ്നിനെയും ഗ്രീലിഷിനെയും സൈൻ ചെയ്യണം എന്നാണ്. എത്ര പണം വേണ്ടി വന്നാലും യുണൈറ്റഡ് ഈ താരങ്ങളെ ടീമിൽ എത്തിക്കണം. അല്ലായെങ്കിൽ അടുത്ത സീസൺ അവസാനവും യുണൈറ്റഡ് സങ്കടങ്ങൾ പറയേണ്ടി വരും എന്നും കീൻ പറഞ്ഞു. ഗ്രീലിഷ് വന്നാൽ യുണൈറ്റഡ് ഒരുപാട് മെച്ചപ്പെടും എന്നും ഗ്രൗണ്ടിൽ ഒരു ഭയവും ഇല്ലാതെ കളിക്കുന്ന താരമാണ് ഗ്രീലിഷ് എന്നും കീൻ പറഞ്ഞു.
