ബ്രൂണൊ ഫെർണാണ്ടസിന് ഒരു പുരസ്കാരം കൂടെ ലഭിച്ചിരിക്കുകയാണ്‌. മാഞ്ചസ്റ്റർ യുണൈറ്റഡിന്റെ ഡിസംബർ മാസത്തെ മികച്ച താരത്തിനുള്ള പുരസ്കാരമാണ് ബ്രൂണോ ഫെർണാണ്ടസ് സ്വന്തമാക്കിയിരിക്കുന്നത് . അവസാന ഒരി വർഷത്തിൽ ഇത് ആറാം തവണയാണ് ബ്രൂണൊ ഫെർണാണ്ടസ് ക്ലബിൽ ഈ പുരസ്കാരം നേടുന്നത്.
ആരാധകരുടെ വോട്ടെടുപ്പിലൂടെയാണ് മാഞ്ചസ്റ്റർ യുണൈറ്റഡിലെ ഈ മാസത്തെ മികച്ച താരത്തെ തിരഞ്ഞെടുത്തത്. ഡിസംബറിൽ യുണൈറ്റഡിനായി 9 മത്സരങ്ങൾ കളിച്ച ബ്രൂണൊ ഫെർണാണ്ടസ് 4 ഗോളുകളും അഞ്ച് അസിസ്റ്റും യുണൈറ്റഡിനായി സംഭാവന ചെയ്തു. യുണൈറ്റഡിനെ ലീഗിൽ രണ്ടാമത് എത്തിക്കുന്നതിൽ നിർണായക പങ്കുവഹിച്ചത് ബ്രൂണൊ ഫെർണാണ്ടസ് തന്നെ ആണ്‌
