2022 മുതൽ ഇന്ത്യൻ പ്രീമിയർ ലീഗിൽ 2 പുതിയ ടീമുകളെ കൂടെ ഉൾപെടുത്താൻ ബി.സി.സി.ഐ തീരുമാനം. ബി.സി.സി.ഐയുടെ വാർഷിക ജനറൽ ബോഡി മീറ്റിങ്ങിലാണ് പുതിയ 2 ടീമുകളെ ഉൾപ്പെടുത്തുന്നതിന് അംഗീകാരം നൽകിയത്. ബി.സി.സി.ഐ സെക്രട്ടറി അരുൺ ധുമാൽ ആണ് പുതിയ 2 ടീമുകളെ ഉൾപ്പെടുത്തുന്ന വിവരം അറിയിച്ചത്.
എന്നാൽ ഐ.പി.എൽ ഗവേർണിംഗ് കൗൺസിളിൽ ചർച്ച നടത്തിയതിന് ശേഷമാവും ടീമുകളെ എങ്ങനെ ഉൾപ്പെടുത്തുന്നു എന്ന കാര്യത്തിൽ അന്തിമ തീരുമാനം ഉണ്ടാവുക. നിലവിൽ 8 ടീമുകൾ ഉള്ള ഇന്ത്യൻ പ്രീമിയർ ലീഗിൽ ഇതോടെ 10 ടീമുകൾ ഉണ്ടാവും. 2028ലെ ലോസ് ആഞ്ചലസ് ഒളിംപിക്സിൽ ക്രിക്കറ്റ് ഉൾപ്പെടുത്തുന്ന കാര്യത്തിലും ഇന്ത്യയും നടക്കുന്ന ഐ.സി.സി ലോകകപ്പുകൾക്ക് ടാക്സ് ഒഴിവാക്കികൊടുക്കുന്ന കാര്യത്തിലും ബി.സി.സി.ഐ ചർച്ച നടത്തിയെങ്കിലും അന്തിമ തീരുമാനം എടുത്തിട്ടില്ല.
