ഇന്ത്യയെക്കാള്‍ പോയിന്റില്‍ പിന്നിലാണെങ്കിലും പെര്‍സെന്റേജ് ഓഫ് പോയിന്റ്സിന്റെ ആനുകൂല്യത്തില്‍ ഇന്ത്യയെ പിന്തള്ളി ലോക ടെസ്റ്റ് ചാമ്പ്യന്‍ഷിപ്പില്‍ ഒന്നാമതെത്തി ഓസ്ട്രേലിയ. ഇന്ത്യയ്ക്ക് 360 പോയിന്റും ഓസ്ട്രേലിയയ്ക്ക് 296 പോയിന്റ്സുമാണുള്ളത്. അതേ സമയം 3 പരമ്പരകള്‍ കളിച്ച ഓസ്ട്രേലിയയ്ക്ക് 360 പോയിന്റ് നേടുവാനുള്ള സാഹചര്യത്തില്‍ നിന്ന് 82.22 ശതമാനത്തോടെയാണ് 296 പോയിന്റ് നേടിയത്.
ഇന്ത്യയാകട്ടെ നാല് പരമ്പരയില്‍ (480 പോയിന്റുകള്‍ ) നിന്ന് 75 ശതമാനത്തിലാണ് 360 പോയിന്റാണ് നേടിയത്. അനില്‍ കുംബ്ലൈ നയിക്കുന്ന ഐസിസി ക്രിക്കറ്റ് കമ്മിറ്റിയാണ് ഇത്തരത്തിലുള്ള പരിഗണന ആവശ്യമാണെന്ന നിര്‍ദ്ദേശം മുന്നോട്ട് വെച്ചത്. കോവിഡ് കാരണം പല പരമ്പരകളും മുടങ്ങിയ സാഹചര്യത്തിലാണ് കമ്മിറ്റിയുടെ ഈ നിര്‍ദ്ദേശം.
