ചെൽസി സ്‌ട്രൈക്കർ മിച്ചി ബാത്ശുവായി ഈ സീസണിൽ ക്രിസ്റ്റൽ പാലസിൽ ലോണിൽ കളിക്കും. ചെൽസിയുമായുള്ള കരാർ പുതുക്കിയ ശേഷമാണ് താരം സീസൺ ലോണിൽ ലണ്ടൻ ക്ലബ്ബ് തന്നെയായ ക്രിസ്റ്റൽ പാലസിൽ പോകുന്നത്. മുൻപും താരം ലോണിൽ പാലസിനായി കളിച്ചിട്ടുണ്ട്.
2016 ൽ ചെൽസിയിൽ എത്തിയെങ്കിലും ആദ്യ ഇലവനിൽ സ്ഥിരം സ്ഥാനം കണ്ടെത്താൻ താരത്തിനായിരുന്നില്ല. ഈ സീസണിൽ തിമോ വെർണർ കൂടെ എത്തിയതോടെയാണ് താരം ചെൽസി ക്യാമ്പ് വിടാൻ തീരുമാനിച്ചത്. ഒരു വർഷത്തേക്കാണ് താരം അടുത്ത സമ്മറിൽ അവസാനിക്കാൻ ഇരുന്ന തൻെറ കരാർ നീട്ടിയത്. ചെൽസിക്ക് വേണ്ടി 25 ഗോളുകൾ നേടിയിട്ടുണ്ട്. ബെൽജിയൻ ദേശീയ ടീം അംഗമാണ്.
