വെസ്റ്റ് ഹാമിൽ ലോണടിസ്ഥാനത്തിൽ കളിക്കുകയായിരുന്നു തോമസ് സുചെകിനെ വെസ്റ്റ് ഹാം സ്ഥിര കരാറിൽ സ്വന്തമാക്കി. ജനുവരിയിൽ സ്ലാവിയ പ്രാഗെയിൽ നിന്ന് ലോൺ അടിസ്ഥാനത്തിൽ ആയിരുന്നു സുചെക് വെസ്റ്റ് ഹാമിൽ എത്തിയത്. ടീമിൽ എത്തിയത് മുതൽ ഗംഭീര പ്രകടനമാണ് ഈ ചെക്ക് റിപബ്ലിക്കൻ മധ്യനിര താരം നടത്തിയത്. 15 മില്യൺ നൽകിയാണ് ഈ ട്രാൻസ്ഫർ വെസ്റ്റ് ഹാം പൂർത്തിയാക്കുന്നത്. നാലു വർഷത്തെ കരാർ താരം ക്ലബിൽ ഒപ്പുവെക്കും.
25കാരനായ താരം വെസ്റ്റ് ഹാമിനായി ഇതുവരെ 12 ലീഗ് മത്സരങ്ങൾ കളിച്ചിട്ടുണ്ട് മൂന്ന് ഗോളുകൾ നേടാനും താരത്തിനായി. വെസ്റ്റ് ഹാം റിലഗേഷം ഭീഷണിയിൽ നിന്ന് രക്ഷപ്പെട്ടതിനു പിന്നാലെയാണ് സൗചകിന്റെ സൈനിംഗ് വെസ്റ്റ് ഹാം പ്രഖ്യാപിക്കുന്നത്.
