ഈസ്റ്റ് ബംഗാൾ എല്ലാ താരങ്ങളെയും സ്വന്തമാക്കുകയാണ്. ഇപ്പോൾ അവസാനമായി മുൻ കേരള ബ്ലാസ്റ്റേഴ്സ് താരമായിരുന്നു ലോകെൻ മീതെയെ ആണ് ഈസ്റ്റ് ബംഗാൾ സൈൻ ചെയ്തത്. ഐലീഗ് ക്ലബായ ട്രാവുവിനു വേണ്ടി കളിക്കുന്ന താരമായ മീതെയെ രണ്ടു വർഷത്തെ കരാറിലാണ് ഈസ്റ്റ് ബംഗാൾ സൈൻ ചെയ്തത്. ഇടതു വിങ്ങിൽ കളിക്കുന്ന താരം കേരള ബ്ലാസ്റ്റേഴ്സ് ടീമിലൂടെ വളർന്നു വന്നതാണ്.
കേരള ബ്ലാസ്റ്റേഴ്സ് സീനിയർ ടീമിനു വേണ്ടിയും റിസേർവ്സ് ടീമിനു വേണ്ടിയും ലോകെൻ മീതെ കളിച്ചിട്ടുണ്ട്. കഴിഞ്ഞ വർഷമായിരുന്നു കേരള ബ്ലാസ്റ്റേഴ്സ് വിട്ട് ട്രാവുവിലേക്ക് വന്നത്. അവിടെ ടീമിലെ സ്ഥിരം സാന്നിദ്ധ്യമായി മാറാൻ താരത്തിനായി. മുമ്പ് റിയൽ കാശ്മീരിനു വേണ്ടിയും സഗോൽബന്ദ് യുണൈറ്റഡിനു വേണ്ടിയുമൊക്കെ കളിച്ചിട്ടുണ്ട്.
