കൊറോണ വ്യാപനം തുടരുന്ന സാഹചര്യത്തില്‍ താന്‍ ക്വാറന്റീനില്‍ കഴിയേണ്ടി വരികയാണെങ്കില്‍ അത് ക്വിന്റണ്‍ ഡി കോക്കിനൊപ്പം ആകുവാന്‍ ആഗ്രഹിക്കുന്നുവെന്ന് പറഞ്ഞ് ഡെയില്‍ സ്റ്റെയിന്‍. ഇരുവരും ക്രിക്കറ്റ് കളിക്കാത്ത സമയത്ത് മീന്‍ പിടുത്തതിന് ഒപ്പം പോകുന്ന താരങ്ങളാണ്. ലോകത്തില്‍ തനിക്ക് ഏറ്റവും പ്രിയപ്പെട്ട വ്യക്തിയാണ് ക്വിന്റണ്‍ എന്ന് പറഞ്ഞു.
അദ്ദേഹം എപ്പോളും മീന്‍പിടുത്ത സംബന്ധമായ കാര്യങ്ങളാണ് ചെയ്ത് കൊണ്ടിരിക്കുക എന്നും മികച്ച പാചകകാരനുമാണ് ക്വിന്റണ്‍ എന്ന് സ്റ്റെയിന്‍ പറഞ്ഞു. തനിക്ക് പാചകമെന്നാല്‍ വെറുപ്പാണെന്നും അദ്ദേഹത്തിന്റെ ഒപ്പമുണ്ടെങ്കില്‍ മികച്ച ഭക്ഷണവും കഴിക്കാം അദ്ദേഹം കാണുന്ന ഫിഷിംഗ് വീഡിയോ എപ്പോളും കാണാനാകുമെന്നതും ഗുണകരമാണെന്ന് സ്റ്റെയിന്‍ പറഞ്ഞു.
പാക്കിസ്ഥാനില്‍ പിഎസ്എല്‍ കളിക്കുന്നതിനിടെയാണ് ടൂര്‍ണ്ണമെന്റ് നിര്‍ത്തിവെച്ചപ്പോള്‍ സ്റ്റെയിന്‍ നാട്ടിലേക്ക് മടങ്ങിയത്.
