ഓസ്ട്രേലിയയുടെ പാക്കിസ്ഥാനെതിരായ ലോകകപ്പ് മത്സരത്തില്‍ മാര്‍ക്കസ് സ്റ്റോയിനിസ് പരിക്ക് മൂലം കളിയ്ക്കില്ല. ഇന്ത്യയ്ക്കെതിരായ മത്സരത്തില്‍ താരത്തിനു ബൗളിംഗിനിടെ അസ്വാസ്ഥ്യം(സൈഡ് സ്ട്രെയിന്‍) രൂപപ്പെട്ടിരുന്നു. പിന്നീട് താരത്തിന്റെ പരിക്ക് ഇന്നത്തെ മത്സരത്തിനു മുമ്പ് ഭേദമാകില്ലെന്ന് കണ്ടെത്തുകയായിരുന്നു. ഒരു പക്ഷേ താരം ടൂര്‍ണ്ണമെന്റില്‍ നിന്ന് പുറത്താകുന്ന സാഹചര്യം വരികയാണെങ്കിലാണ് പകരം താരമായി മിച്ചല്‍ മാര്‍ഷിനെ പ്രഖ്യാപിച്ചത്.
ഈ മാസം അവസാനത്തോടെ ഓസ്ട്രേലി എ ടീമിനൊപ്പം ഇംഗ്ലണ്ട് സന്ദര്‍ശിക്കാനിരുന്ന താരമാണ് മിച്ചല്‍ മാര്‍ഷ്. സ്റ്റോയിനിസ് എത്ര മത്സരം നഷ്ടമാകുമെന്ന് തനിക്ക് കൃത്യമായി അറിയില്ലെന്നാണ് ഓസീസ് നായകന്‍ ആരോണ്‍ ഫിഞ്ച് വ്യക്തമാക്കിയത്.
