ന്യൂസിലാണ്ടിനോട് രണ്ട് വിക്കറ്റ് തോല്‍വി ഏറ്റു വാങ്ങേണ്ടി വന്നുവെങ്കിലും തന്റെ ടീം മോശം ക്രിക്കറ്റല്ല കളിച്ചതെന്ന് പറഞ്ഞ് മഷ്റഫെ മൊര്‍തസ. ന്യൂസിലാണ്ടിനെ വിജയത്തിനായി അവസാന നിമിഷം വരെ പോരാടേണ്ടി വരുന്ന സ്ഥിതിയിലേക്ക് എത്തിയ്ക്കുവാന്‍ ബംഗ്ലാദേശിനു സാധിച്ചിരുന്നു. 245 റണ്‍സെന്ന ചെറിയ ലക്ഷ്യം തേടിയിറങ്ങിയ ന്യൂസിലാണ്ടിന്റെ എട്ട് വിക്കറ്റുകള്‍ വീഴ്ത്തുവാനായത് തന്നെ വലിയ നേട്ടമാണെന്നാണ് മൊര്‍തസ പറഞ്ഞ്.
ഓവലിലെ പിച്ച് റണ്ണൊഴുകുന്ന പിച്ചാണ്, അവിടെ ന്യൂസിലാണ്ട് പോലുള്ള ടീമിനെ ബുദ്ധിമുട്ടിപ്പിക്കുവാന്‍ സാധിച്ചുവെങ്കില്‍ അത് ബംഗ്ലാദേശ് ടീമിനു അഭിമാന നിമിഷം തന്നെയാണ്. അടുത്ത മത്സരം ടൂര്‍ണ്ണമെന്റിലെ തന്നെ കരുത്തരായ ഇംഗ്ലണ്ടിനോടാണ്, അതിനാല്‍ തന്നെ കൂടുതല്‍ ശ്രമകരമാകും. എന്നാല്‍ മികച്ച ക്രിക്കറ്റ് കളിച്ചാല്‍ പ്രയാസകരമെങ്കിലും വിജയം കിട്ടാക്കനിയല്ലെന്ന് മൊര്‍തസ പറഞ്ഞു.
