യുവന്റസിന്റെ സീസണ് നിരാശയോടെ അവസാനം. ഇന്മ് സീരി എയിലെ അവസാന മത്സരത്തിൽ സാമ്പ്ഡോറിയയോട് യുവന്റസ് പരാജയപ്പെട്ടു. എതിരില്ലാത്ത രണ്ടു ഗോളുകൾക്കാണ് യുവന്റസ് പരാജയപ്പെട്ടത്. പരിശീലകൻ അലെഗ്രിയുടെ അവസാന മത്സരമായിരുന്നു ഇത്. അഞ്ച് വർഷമായി യുവന്റസിനെ പരിശീലിപ്പിക്കുന്ന അലെഗ്രി ഈ സീസണോടെ യുവന്റ്സുമായി പിരിയുകയാണ്.
റൊണാൾഡോയ്ക്ക് വിശ്രമം നൽകികൊണ്ട് ഇറങ്ങിയ യുവന്റസ് കളിയുടെ അവസാന മിനുറ്റുകളിൽ വഴങ്ങിയ ഗോളുകൾക്കാണ് പരാജയപ്പെട്ടത്. 84ആം മിനുട്ടിലും 90ആം മിനുട്ടിലും ആയിരുന്നു സാമ്പ്ഡോറിയയുടെ ഗോളുകൾ. നേരത്തെ തന്നെ ലീഗ് കിരീടം ഉറപ്പിച്ചതിനാൽ ഈ പരാജയം യുവന്റസിനെ ബാധിക്കുകയില്ല. 38 മത്സരത്തിൽ നിന്ന് 90 പോയിന്റുമായാണ് യുവന്റസ് ലീഗ് അവസാനിപ്പിച്ചത്. രണ്ടാമതുള്ള നാപോളി 79 പോയിന്റുമായും സീസൺ അവസാനിപ്പിച്ചു.
