ഐപിഎല്‍ ചരിത്രത്തില്‍ നൂറ് വിജയം കുറിയ്ക്കുന്ന ആദ്യ ടീമെന്ന ബഹുമതി സ്വന്തമാക്കി മുംബൈ ഇന്ത്യന്‍സ്. ഇന്ന് ചെന്നൈ സൂപ്പര്‍ കിംഗ്സിനെ 37 റണ്‍സിനു പരാജയപ്പെടുത്തിയാണ് മുംബൈ ഈ നേട്ടം കൊയ്തത്. മുംബൈയുടെ വിജയങ്ങളില്‍ ഒരെണ്ണം സൂപ്പര്‍ ഓവറിലായിരുന്നു. മുംബൈയ്ക്ക് പുറകെ ഐപിഎലില്‍ ഏറ്റവും വിജയം നേടിയിട്ടുള്ള ടീം ചെന്നൈ സൂപ്പര്‍ കിംഗ്സ് ആണ്. 93 മത്സരങ്ങളിലാണ് ചെന്നൈ വിജയം കുറിച്ചിട്ടുള്ളത്.
ഐപിഎലില്‍ തങ്ങളുടെ 50ാം വിജയവും മുംബൈ നേടിയത് ചെന്നൈ സൂപ്പര്‍ കിംഗ്സിനെതിരെയായിരുന്നു.
